Generic placeholder image

Itineraris guidadi

Eth Holet te guidarà a trauès des camins dera Val d’Aran. Receberàs avisi e informacion suplementària quan sigues a pròp des punts d’interès.

Generic placeholder image

Tot sus era aigua

Apren sus es rius e estanhs dera Val d’Aran. Eth Holet ei plen de materiaus divulgatius hèti per scientifics que i trabalhen des de hè ans.

Generic placeholder image

Mapes personalizadi

Seguís e enregistra es tòns itineraris e hig es tues pròpies fòtos, vidèos e remèrques ena mapa. Sauvà'c entà tornar a visistar-les.


Eth camin dera Garona. Apren tot sus eth riu principau dera Val d'Aran.

Era Garona aufrís era possibilitat de conéisher un ecosistèma fluviau, es usatges e profitaments umans que s’an hèt des d’antic, e com aguesti an modificat e configurat eth riu actuau. Aguest itinerari entre eth Pònt d’Arròs e Casarilh a dues variantes: en coche seguint era N-230 e era C-28 e a pè seguint eth Camin Reiau e eth GR-211. Era distància totau ei de 11 km, damb un desnivèu acumulat de 184 m. Eth camin non presente cap dificultat, e ei adequat entà quaussevolh persona damb ua forma fisica mieja. Era varianta en coche hè er itinerari accessible tà tot tipe de visitants.

Generic placeholder image

Generic placeholder image

Estanho d'Escunhau. Explòra er estanh que desaigüe cap a dejós de tèrra e descurbís eth sòn jardin submergit.

Er Estanho d’Escunhau se tròbe dejós d'ues arribentes parets de ròca calcària damb formes erosives peculiares, com ara eth gorg per a on er estanh desaigüe cap ara cavitat mès prigonda de Catalonha. Era sua caracteristica principau ei era abondància de diuèrses plantes aquatiques, que formen un autentic jardin submergit e que se pòden veir des des marges. Itinerari de 10 km e 795 m de desnivèu per pista seguit de 1.8 km e 200 m de desnivèu a pè, entà acabar damb un circuit (1 km) ath torn der Estanho d’Escunhau. Er itinerari ei adequat entà quassevolh persona damb un minim de forma fisica.


Bassa d’Oles. Visita en família un estanh domesticat.

Era Bassa d’Oles ei ua bassa d’origen naturau ena qué posteriorament se hèc ua presa. Se practique era pesca intensiva, e era bassa ei repoblada regularament damb trueites. Ei, per tant, un exemple d’ecosistèma aquatic fòrtament umanizat. Ei entorada d’ua pinarra de pin ròi de grana valor paisagistica. Er interès principau requè en important tapissat de vegetacion aquàtica submergida e es ièrles de jonquetes que se i tròben. Itinerari circular de 1.7 km damb 50 m de desnivèu enes entorns dera Bassa d’Oles, apte entà toti es publics.

Generic placeholder image

Generic placeholder image

Estanhs de Pois e de Còth deth Hòro. Recor es estanhs mès nauti en ua rota de montanha.

Aguesti estanhs son tipicament aupins, damb aigües de tipe carbonatat. Se tròben en un paisatge de morfologia glaciau de ròques calcàries e sabloses damb formes espectaculares. Era rota a vistes impressionantes der Aneto e dera sua gelèra. Ei ua rota circulara de nauta montanha de 10 km e 1040 m de desnivèu, damb gessuda des deth parcatge deth Plan dera Artiga de Lin. Er itinerari ei adequat tà persones damb un bon entrenament e experiéncia en nauta montanha.


Estanh Redon. Descurbís qué mos revèle era sciéncia sus eth cambi ambientau.

Eth Redon ei un des grani estanhs des Pirenèus. Es sues aigües son fòrça transparentes e ei encaishonat en un circ de ròca granitica e parets arribentes. A estat objècte de recèrca scientifica des de hè decades, e ath cant i trobam un petit laboratòri de camp e ua estacion meteorologica. Es investigacions an demostrat qu'eth Redon ei un sentinèla des cambis ambientaus globaus deth passat e deth present, com ara era contaminacion atmosferica o eth cambi climatic. Itinerari de 3.6 km damb 600 m de desnivèu. Ei adequat entà persones acostumades a caminar pera montanha e damb ua condicion fisica mieja.

Generic placeholder image

Generic placeholder image

Val de Varradòs Experimenta era fòrça dera aigua e coneish es abitats aquatics mès extrèms.

Era val de Varradòs a un relèu arribent que da lòc a ua intensa activitat de lauegi e de pishi impressionants. En inici dera val, era zòna dera Sèrra de Pica Palomèra ei ua des mès amagades d’Aran. Es estanhs que trobam ací son abitats extrèms, pr'amor dera acidesa des sues aigües. Er itinerari a dues parts: prumèr 10 km de pista gondronada, tà recórrer eth riu Varradòs e visitar eth Saut deth Pish; dempús, itinerari circular a pè de 12 km e 980 m de desnivèu, entà visitar es estanhs Nere de Uèrri e de Pica Palomèra. Entà hèr er itinerari a pè ei imprescindible auer un bon sentit dera orientacion, bona forma fisica e experiéncia en nauta montanha.